19. desember 2026 í Tvørmegi í Tórshavn
Leygardagin 19. desember verður 2. steypakapping í vektlyfting í Tvørmegi í Tórshavn. Styrkifelagið Stoyt skipar fyri kappingini undir Føroya Styrkisambandi.
Fyri at luttaka skal íðkarin vera limur í einum felagi undir Føroya Styrkisambandi og hava galdandi kappingarloyvi.
Kappast verður í teimum báðum olympisku lyftunum, trekk og vend & stoyt, og úrslitini verða roknað eftir nýggju stigaskipanini hjá IWF, GAMX.
Tvær kappingar verða á skránni: ein opin kapping og ein ungdómskapping.
Opna kappingin er fyri allar íðkarar, sum lúka treytirnar fyri luttøku. Kappast verður eftir GAMX-stigaskipanini, sum ger tað møguligt at samanbera avrik tvørtur um kropsvekt.
Ungdómskappingin er fyri íðkarar, sum eru føddir í 2007 ella seinni.
Kappast verður eftir GAMX Youth, har stigini taka hædd fyri aldri, kropsvekt og lyftari vekt.
Kappingin í Tórshavn er tann næsta í røðini av steypakappingum í vektlyfting.
Vinnarin av 2. steypakapping fær 7 stig við sær í samlaðu støðuna, nr. 2 fær 6 stig, og síðani verða stigini latin niður eftir plaseringunum.
Steypakappingarnar halda fram fram ímóti FM 2027, har samlaði vinnarin av steypakappingini verður funnin.
Leygardagur 19. desember 2026
Kl. 11:00: Innviging
Kl. 13:00: Kappingarbyrjan
Tilmeldingarfreistin er mikudagin 16. desember 2026 kl. 23:59.
Meira kunning um kappingargongd verður kunngjørd í næstum.